எம தர்மன் ஏறி வரும் புதிய வாகனம்
எளியோர் முதல் வலியோர் வரை வதைக்கும் வாகனம்
உடலின்ப வழி பரவும் உயிர்குடிக்கும் வாகனம்
குருதி வழி பரவும் இந்த குரூர வாகனம்
வெள்ளையணு சந்ததியை சிதைக்கும் வாகனம்
வெள்ளைகார நாட்டிலிருந்து வந்த வாகனம்
வேசி வீடு தேடிப்போயி வாங்கும் வாகனம்
வேதனையை கூட்டிவிடும் இந்த வாகனம்
ஒருவனுக்கு ஒருத்தி என்றால் ஒதுங்கும் வாகனம்
ஒழுக்கநெறி தவறிவிட்டால் வரும் வாகனம்
வந்துவிட்டால் போவதில்லை இந்த வாகனம்
வராமல் காத்துவிட்டால் தொலையும் வாகனம்
ஆசைப்பட்டு வாங்கிவிட்டால் அவஸ்தை வாகனம்
வாழ்க்கை எனும் அழகிய பாதையில்
வழி தவறும் இந்த வாகனம் வேண்டாம் நண்பர்களே….
